الجمعة , 22 نوفمبر 2019
الملازم أول أحمد فهيم فايد ضابط القوات الخاصة

ضابط بالقوات الخاصة: “أمي قالتلي مش عايزة أشوفك لما تجيب حق زمايلك”

كتب – محمد الشحات:

روى الملازم أول أحمد فهيم فايد، أحد مقاتلي القوات الخاصة المصرية، قصة جندي مقاتل من أبطال الصاعقة، في إحدى العمليات.

وأضاف: “الجندي رأى رشاش متعدد هيضرب على المجموعة، أدى ضهره لفتحة الرشاش خد في ضهره 60 طلقة، في جسمه كله، هو اللي طلب يلتحق بالصاعقة وهو اللي قال عاوز أروح شمال سيناء، ده واحد من البلد وكان بيجري على الشهادة، إحنا كقوات مسلحة وشرطة، الجيل اللي أنا عايش فيه عمرنا ما هنبقى جيل أكتوبر، ولا أقل من الناس اللي جابت أرضنا في حرب اكتوبر، جوانا عزم نبقى زيهم، إحنا بنحافظ على الأرض دي بدمنا، عاوز اقول لكل الناس اللي بتسمعنا زي ما في ناس بتحارب في ابطال في بيوتهم”.

وأضاف فهيم، خلال كلمته بمؤتمر “حكاية وطن”، “أنا هحكي عن الست والدتي، الجيش المصري وراه ناس قوية جدًا، دايما لما كان بيحصل حدث كبير أو حد استشهد معايا، كانت بتكلمني تقولي عامل إيه، مش عايزة أشوفك غير لما تجيب حق زمايلك، دي أم مصرية، عمرنا ما هنسمح نبقى زي أي بلد”.

وتابع: “كان في حاجة واحدة بس بقسم بيها قدام زمايلي نحن رجال عزمنا أمام الله، على أن نحيا على الأرض أعزاء إما تحتها شهداء”.

كان قد انطلق مؤتمر “حكاية وطن.. بين الرؤية والإنجاز”، الأربعاء واستمر 3 أيام، تحت رعاية الرئيس عبد الفتاح السيسي، فى أحد فنادق القاهرة، وحضر المؤتمر، عدد كبير من ممثلى المجتمع المصرى بأطيافه المختلفة، والخبراء والمتخصصين فى شتى المجالات، وخلال المؤتمر يرد الرئيس على استفسارات المواطنين التى طُرحت من خلال مبادرة “اسأل الرئيس”، التى انطلقت بدءا من 10 يناير واستمرت حتى 15 من الشهر نفسه.

شاهد أيضاً

القاضي يستنكر ً إعلان وزير الخارجية الأمريكي اعتبار المستوطنات الإسرائيلية لاتخالف القانون الدولي .  

    استنكر المستشار محمد القاضي رئيس المجلس العربي للقضاء العرفي اعلان وزير الخارجية الأمريكي …